News

Mumbai-a company pakhata hnathawk Simon Lalchungliana (29), Sangau khua chu tukin (5.6.2026) dar 1 vel khan electric current man vangin a thi.

Mumbai Mizote atanga Bengvarna thudawn danin, Simon-a hi a nau hmeichhia nen inluahin Mumbai-ah hian an awm a, a nau pawh hian hna a thawk ve tho. Tukin dar 1 vela extension-a a mobile phone a charge tur chu current hian a man nia hriat a ni. Damdawi in thlenpui a nih chuan chhan theih a ni tawh lo.

Damdawi in an panpui naah hian an postmortem thei loa, police-in damdawi in dangah postmortem turin an la ang. Chumi hnuah Mizo hoin ruang buaipuitute hnenah hlan chhawngin, flight ticket ngaihtuah a ni ang. Flight ticket hmuh hmasa berah a ruang rawn thawn tum a ni.