Jun 27, 2026
Saturday
Vawiin (27.6.2026) chawhma dar 9:20 khan Freddy Lalruatfela (22) s/o H Thantluanga, Maubawk Veng chu electric current man vangin a thi.
Chetsualna hmun Hunthar Veng atanga thudawn danin, Freddy Lalruatfelate hi gas sem turin Hunthar Vengah an kal a, gas tlak danna truck hnung lam a mi thir a la sawn tur a lek kang chu electric current hrui a tawk palh a ni.
Current hian Freddy-a hi man nghalin, a hnu lawkah truck ke hma pahnih pawh a kang chhia a ni. Mau hmangin Freddy-a thir ken hi vuak thlak a ni a, Freddy-a hi damdawi in panpui vat nimah se, chhan theih a ni tawh lo.
Freddy Lalruatfela ruang hi zaninah lumen puiin, naktuk chhun dar 12 ah vui a ni ang.
