Customer Care Policy kan duang &#8211; B Lalchhanzova

Land Revenue & Settlement (LR&S) Minister B. Lalchhanzova chuan vawiin (31.10.2025) chhun khan Hnahthial Deputy Commissioner Office-ah Revenue Office a hawng a, licensed surveyor nei turin hma an lak mek thu a tarlang.

B Lalchhanzova chuan an hmachhawp lian tak pakhat chu licensed surveyor neih a nih thu sawiin, ‘Licensed surveyor-te chu ram teh leh a tul apiangah, rate mumal tak nena chhawr an ni Heng licensed surveyor leh empanneled firm 13 an chhawr mekte hian indaih lohna tam tak an phuhruk ka beisei,’ a ti.

Mipui dawrtute tan Customer Care Policy an duan mek thu sawiin LR&S Minister chuan, mipuite pawh thawktute ngaichang thiama, tul loa tibuai chhen thin lo thin turin a chah.

Hnahthial Revenue Office a in dan tirh khan Lunglei Revenue Office atangin land pass 9,223 sawn phei a ni. Tunah hian application thahnem tak lut tawhin tun dinhmunah Hnahthial Revenue Office atangin LSC hming thlak panga an awm tawh.

Periodic patta renew 51, land survey zawh fel 34 bakah LSC then fel pahnih an awm tawh a ni. Application pending 805 a awm mek a ni.