CYMA-in damdawi zuarte an ngen

Central YMA chuan nimin (24.6.2026) khan damdawi zuarte hnena ngenna an ti chhuak a, theitawp chhuahpuiah an sawm.

Ni 9.6.2026 (Thawhlehni) a Excise & Narcotics Minister kaihhruaina a Home Department, Excise & Narcotics Department, Health Department (Food & Drugs) hotute leh Central YMA hruaitute thukhawm chuan, ruihhlo dona a hmalak dan leh thawhho zel dan tur an ngaihtuah tih tarlangin CYMA chuan, “He thutkhawma thurel angin, a hnuaia mi ang hian khuh damdawi chungchangah damdawi zuartute hnenah ngenna kan rawn siam a ni,” an ti.

CYMA ngenna :

Tunhnaiah thalai tam takin ruih nana an hman thin khuh damdawi (cough syrup) chi hrang hrang Dak In Pui atangin damdawi zuar ten an chah lut nasa hle. Heng khuh damdawite hi mi tam takin damdawi atan an hman rualin, thalaiten ruih nan an hman ber a nih avangin a hralh chhuah kawngah fimkhur turin kan inngen a ni. Damdawi zuarte pawh mahni kawl theih bak aia tam kawl lo turin kan inngen bawk a ni.

Kan thalaite ruihhlo bawia an tan zel lohna tur leh a la tive lote venhim kawngah theihtawp chhuahho zel turin kan insawm a ni.