CYMA-in kawng an endik

Central YMA Road Monitoring Committee member-te chuan vawiin (23.1.2026) chhun khan Durtlang – Zanlawn kawng, BRTF-in Lungdai khawtlang atanga sawiselna an dawn avangin a hmunah an enfiah.

CYMA tarlan danin, kawng siam mek hi Lungdai khawtlang – Village Council, YMA leh NGO dangten a hmunah nitin an vil chungin, kawng siamtute hian tha tawk turin an thawk lo niin an hria a ni. An lungawi lohna hrang hrangte chu, Central YMA Road Monitoring Committee hnenah an lo sawi a, chumi hnuah BRTF leh a contractor aiawhte chu koh niin, eng vanga kawng hi siamtha lo nge an nih tih te an zawt. An kawng siam tawh chu a hmunah enpuiin, a tha lo ngei a ni tih finfiah a ni.

Hmun thenkhat a an kawng hnawhte chu kut pawhin a khawh hlawk hlawk theih a ni. An kawng siam chhiat avang hian tukin zingah ringawt pawh, lungṭhilah 2-wheeler 4 laiin an tluk phah tawh nghe nghe a ni. CYMA Road Monitoring Team chuan BRTF leh contractor-te chu a hnuaia tarlan ang hian ruahmanna an siampui nghal.

Duhthusama thain hna an thawk chhunzawm tawh tûr a ni

Lungdai area a-an hnathawh tawh zawng zawng chu an nawr khawk leh vek ang a, an siamtha leh ang.

Kawng siam chhunzawmna tûr Bitumen Concrete (BC) truck trip 3 chu a daih tawh avangin a hman tlak tawh loh a, an paih vek ang.

An kawng siam tawh sa hi sealcoating an ti leh vek ang.