Dec 17, 2025
Wednesday
Nimin (16.12.25) khan Central YMA President R. Lalngheta hoin Central YMA Road Monitoring Team-te chuan Kawnpui leh Sihphir inkar kawng black topping hna thawh mek an enfiah.
CYMA tarlan danin, helai kawng hi BRO hnuaia contractor BRN Infrastructure Private Limited-ten an thawk a ni. CYMA Road Monitoring Team-te hi Sihphir, Lungdai, Sentlang, Serkhan leh Zanlawn Branch YMA-ten an lo tawiawm.
Central YMA Team-te chuan kawng siam mek hian duhthu a sam lo hle niin an hmu a, an kawng siam pawh hi a tha lo hle niin an hmu bawk. BRO leh contractor-te chu tha tak a siam turin an hrilh. Sihphir leh Kawngpui inkara Branch YMA-te pawh an huam chhung ah tha tak vil turin an chah bawk.
BRO Chief Engineer leh contractor-te chu tunkar Zirtawpni hian CYMA office-ah leng turin an ko.
