CYMA President-in CEC tharte a fuih

Nizan (3.11.2025) dar 7:00 khan kum 2025-2027 term atana Central YMA – Central Executive Committee hmasaber Central YMA Committee Room-ah neih a ni.

Meeting kaihruaitu CYMA President R. Lalngheta chuan CEC member tharte fuihna thu sawiin, “YMA hruai hna chu taimak chhuah ngai, teirei peih ngai anih avangin CEC member-te chuan inpekna thuk tak neih a ngai,” a ti

Committee-ah hian Sakawrdaia YMA Inkhawmpui Lian hman zawh tak thlirlet a ni.

Inkhawmpui lian hlawhtling tak leh programme pawh tluang tak leh felfai taka hman a nih thu te; inkhawmpui thlengtu Sakawrdai khuate inbuatsaihna ṭhat dante sawi lan a ni a, inkhawmpui thlengtu Sakawrdai khaw mipuite leh YMA member zawng zawngte chungah lawmthu a sawi.

Meeting-ah hian kum 2 chhunga Central YMA hnuaia Sub-Committee hrang hrang member tur Aizawl khawpui chhung branch tin atangin nember 3 zel lak khawm leh nise tih a ni.

Mizoram châk lakna kawngpui Sairang – Vairengte inkar kawng chhia leh siam mek chu ni 8.11.2025 (Inrinni) ah a hmunah tlawh a, thil awmdante thlithlai a, a ṭul anga hmalak zui nise tia rel a ni.