News

Nimin, 14.6.2026 (Pathianni) khan Aizawl Traffic Police chuan Aizawl veng hrang hrang; hmun 44-ah lirthei chetsualna thleng thin venna atan leh mipuite him zawk nan ‘Special Drive’ an kalpui leh a, dan bawhchhiatna hrang hrang avangin mi eng emaw zat man leh chawitir an ni. Dan bawhchhiatna langsar zual chu a hnuaia tarlante hi a ni:

1.Helmet khum lova Two Wheeler khalh – 82

2.Driving Licence nei lo lirthei khalh – 78

3.Kum tling lo lirthei khalh – 27

4.Two Wheeler-a phalchin aia tam inphur – 10

5.Traffic duty-te thu awih lo – 9

6.Rui chunga lirthei khalh – 4

Heng bakah hian silencer ring, hlauhawm taka khalh leh dan bawhchhiatna dangte a tel.

Aizawl Traffic Police chuan dan zawm kawnga tan la thar zel turin mipui an ngen a, Aizawl khawpui a lo hima lirtheia chetsualna kan pumpelh theih nan Special Drive hi Pathianni chawhnu bakah zan lam remchangah pawh la kalpui zel tura ruahman a ni e.