Dan thar duan tur sawiho

Vawiin (2.6.2026) tlai dar 3 khan Secretariat Conference Hall, MINECO-ah Commerce & Industries Director Dr. H. Lianzela hoin The Draft Mizoram Trade and Enterprises (Formalization and Facilitation) Bill, 2026 chungchang sawiho a ni.

Sawihona hunah hian CYMA, MZP, MSU, MCCI, AMFU, Aizawl City Local Council Association leh he bill in a kaihhnawih tur department hrang hrang aiawh te an tel a ni.

He dan thar tura duan hi Mizoram chhunga sumdawnna felfai zawka kalpui dan tur leh bazar hrang hrangte enkawl dan tur chungchang a ni. Sumdawnna kawngah India Danpui (Constitution) kalh si loa a ram leilungfate humhalh an nih theihna tura fimkhur taka dan siam a nih theih nan inrawnkhawmna (consultation) hi buatsaih a ni.

He inrawnkhawmna hi a bul tanna niin, zau zawka inrawnkhawmna hi la neih leh tur a ni. Kalkhawmte ngaihdan leh rawtna te chu ziakin June 30, 2026 ral hmain Commerce, Industries Department-ah thehlut tura ngen an ni.

Chairman Dr. H.Lianzela chuan he dan thar duan turah hian theihtawp chhuah tlang turin leh a tha thei ang bera dan siam a nih theih nan kalkhawmte chu thawhpuiah a sawm a ni.