Denghmingthanga an la hmu lo

H Ramdinpuii (15), Mualthuam North thattua puh Denghmingthanga (20) chu he thuziahlai thleng hian hmuh a la ni lo. Denghmingthanga hmuh a la nih loh chungchangah hian Sub Hqrs YMA chuan thuchhuah an siam.

Rahsi Veng Thlanmual bul khamah mihring che niawm tak hmu an awm avangin Police, YMA hruaitu leh mipui an kalkhawm a, BSF lamin an uifing an thawh chhuahpui. Police leh YMA hruaitu thenkhat uaithlain an zawng a, mihring hnuhma niawm tak an hmuh vangin midang an uai thlak belh leh a ni. Mah se, Denghmingthanga hi hmuh a ni chuang lo a, tlai dar 5:30 velah pungkhawmte an tindarh. Helai hmunah hian Rahsi Veng Branch YMA zanin hian an duty ang.

Sub Hqrs YMA thuchhuah :

H.Ramdinpuii tualthihna-a pawikhawihtu a puh Denghmingthanga, Mualthuam North chu zanin dar 6:45 thleng hian Police leh SYMA hnuaia branch-ten theihtawp in an dap chungin hmuh a la ni lo.

Social Media lama thuthang a tamin hmuh tawh a nih thu a darh tih kan lo hria a, hei hi thu dik lo a ni. Social Media a thu lengvak ah mipuite chiai lo tur leh thuchiang chu thuneitu ten an puan hma a, mahni ngaihdan lo vawrh darh lo turin kan in ngen bawk a ni.

Denghmingthanga (a tlanbo lai hian kut kawl bun chunga chhuak a ni a) Mipui te kan mit leh beng lo chhi a, a tul anga Police leh YMA hruaitute hrilh hre turin mipuite kan in ngen bawk.