Dilna lutte endik a ni

Mizoram Sawrkar Flagship Scheme Bana Kaih Scheme Phase II kalpui meka dilna lutte endik chhunzawm zel a ni. July 31, 2026 khan Planning & Programme Implementation Department Committee Room-ah Mizoram State Project Coordination Committee, Bana Kaih Scheme Implementing Department atanga nodal officer-te leh partner bank – SBI, MRB, MCAB hotute an thukhawm. Bana Kaih Scheme loan dilna lut 68 leh Chief Minister Special Package dilna 1492 te chu endik a ni.

Chief Minister Special package dilna 1492 endik atang hian AH & Veterinary Department atanga dilna tam berin dilna 872 a lut a, a dawttu Commerce & Industries Department hnuaiah dilna 504 a lut a ni. Bana Kaih Scheme Loan dilna lut 68 endik a ni bawk.

Thutkhawm ah hian Bana Kaih Scheme hnuaia dilna hrang hrang endik a nih bakah Postal Department nena thawhho dan turte, Bana Kaih Scheme kalphung tih changtlun lehzualna tura ‘Last Mile Connectivty’ kalpui dan turte, Implementing department-te hnathawhna senso pek dan thlirlet a ni.

Bana Kaih Scheme hnuaia progress partner-te hmalakna enzuina tur leh mipui hnena scheme kalphung zirtirna, documentation & publicity kalpui dan turte enho a ni. Handholding Mela buatsaih dan tur te, Handholding Scheme Phase III kalpui dan tur bakah, loan pek tura dilna pawm tawh, chhan hrang hrang avanga bank lamin an la pekchhuah theih loh dilna 29 pawh uluk taka enho a ni bawk.