News

Mizoram Govt. Ad hoc Aided School Teachers’ Union (MIGASTU) chuan Mizoram Sorkarin sikul eng emaw zat sorkara a hlankai (government) tawh hnuah sorkar tharin dinhmun hniam zawk (revoked) a a dah leh avanga lungawi lohna lantir nan leh thil pawimawh rel ho turin ni 29.1.2026 khian Chanmari YMA Hall-ah special conference a ko. Heng a hnuaia mite hi an lungawi lohna hrang hrang chu a ni:

1. Mizoram Sorkar hnuaia Ad-hoc rules-in min phalsak anga hlawh kan lak mek a lungawi lo leh hlawh sang phut vang hrim hrim a inkokhawm kan ni lo.
2. Sorkarin ni 1.10.2023 a school leh zirtirtute sorkara a hlankai vek tawh hnua dinhmun hniam zawka Sorkar tharin a dah thla leh (Revoke) hi hriatthiam har kan ti.
3. Sorkarin provincialised a dah tawhte a hnuh kir leh chhanah thil fel lo a tih thenkhat siam ṭhat ngaite zirchiang tura Minister K Sapdanga chairman-na hnuaia Study Team a din pawh, kum khat zet a ral hnu pawha an kalpui dan tur tun thlenga engmah kan la hre lo hi khawtlang leh zitirtute leh zirlaite ngaihpawimawh lohna leh thamlohnaah kan ngai.
4. Mizoram Sorkar hnuaia department hrang hrangah, tun ministry chhunga hnathawk dah ngheh an nihna ah Article 14 & 16 sawi rik leh chelek a nih loh laia, keini open advertisement leh DPC(Government approved) ina a lo lak tawh kum 17 service bu nen meuh a lo thawk tawh kan ni hlawm a, concern official atanga approved neia thawk kan nih tawh hnua tuna taka Article 14 & 16 rem leh rem lo va kan chunga chelek a tum hi hriatthiam har kan ti.
5. Mizoram Sorkar hnuaia school upgradation kalpui tawh zawng zawngah Article 14 & 16 chelek lovin tluang takin engkim tihfel a ni thin. Chuvangin kan sorkar dinglai hian, sorkar kal tawhte thil tih dan chu a tham lo in thil dik lo ti tluk hialah a ngai ni a lang thei hi a fel lo kan ti.
6. MIGASTU member-te hi official hna Election hrang hrang leh Census thlengin mawhphurhna min pek hi, tha taka kan chhunzawm theihnan Sorkara min dahlet leh vat hi kan phut takzet a ni.
7. Provincialised a hlan kai kan nih khan, khawtlang leh mipuiten ruaipui ṭhehin kan lawm tawh a, chutichung chuan khawtlang leh mipuite zah lo leh tham lo takin upgradation chu hnuh kir (Revoked) a ni ta a. Mipui leh zirtirtute hmuhsitna leh thamlohna lian takah kan ngai.
8. School Education Department ah hian Study Team Chairman K Sapdanga, DP&AR Minister nge Education Minister zawkin thu nei tih hi hriat hran harsa kan ti hle mai. Education Minister kan hmuhin Study Team-ah kal zawk tura min tih thin avangin a thanatthlak in, zirtirtute hmuhsitna leh tham lohna lian takah kan ngai.