Education officer-te’n an hmalakna thlirlet

Vawiin (24.6.2026) chhun khan Education Department officer-te’n Education Complex Conference Hall-ah quarterly review meeting an nei a, an hun hmanpuitu Education Minister Dr. Vanlalthlana’n a telpui.

Education Minister chuan Pathianin kan ram hma lam hun hi zirna lama thawktute kutah a dah tih sawiin, “Mawhphurhna kan neih ang hian kan che chhuak em tih inenfiah a ngai. Kan hnunga lo awm zel turte pawhin an hman tur system tha kan siam a ngai a, chumi atan chuan data kan neihțhat pawh a ngai a ni,” a ti a, MERC pawhin kalphung tha nei turin ngaihtuahna an hman mek thu a sawi.

Education Minister chuan officer kalkhawmte chu thurawn leh rawtna nei thin tur te, thil thaah chuan huai taka pen chhuak ngam tur, kal dan tha zawk a awm a nih chuan sawi ngam turte leh infinchhuah ngaihna apianga finchhuah \hin turtea chahin, “Thil dik lo dan kalha thil tihte a awm chuan kal thui hmaa inhrilha, a tha zawk turah chuan insiamthat hi kan tih tur a ni. Kan hma lam hunah kan tu leh faten ‘zirna siam\hat a nih a\ang khan hei hi kan nei ve thei ta’ an tih theihna tura ruahmanna neih \hat a pawimawh,” a ti.

Quarterly review meeting-ah hian department hnathawh leh hmalakna chi hrang hrangte thlirho a ni a, Education Directorate-in hna lakna tura rules leh syllabus ennawn mek an buaipui dante nghaihthlak a ni. SCERT, MBSE leh Samagra Shiksha hmalaknate leh hnathawhte thlirho niin, department chhunga hmalakna leh hmachhawpte an sawiho bawk.