Jun 09, 2026
Tuesday
August 21, 2026-a National Highway 06A-a mi pariat hnen atanga methamphetamine kgs. 49.101 leh herion grams 40 man a nih chungchang chhuina kal zelah nimin (8.6.2026) khan Enforcement Directorate, Aizawl Sub-Zonal Office-in Zokhawthar-a chenna in pakhat an dap.
Methamphetamine leh heroin man kawihhnawihah hian Narcotics Control Bureau, Agartala Zonal Unit-in NDPS Act hmangin thubuai an ziak lut a ni. Thubuai chhuina kal zelah nimin khan ramri hrul state pathum – Mizoram, Tripura leh West Bengal-a hmun 4 an dap.
Ruihhlo hmanga sumdawnnaa inhnamhnawiha rinhlelh Tripura lam mi pahnih Anowar Hossain leh Jashim Mia thawhpui ni ngeia hriatte bank account kaltlangin Zokhawthar khaw mi Hmingthansangi bank account-a cheng vbc. 33 chu rinhlelh awma ngaih a nih angin Hmingthansangi chenna in hi dap zingah a tel.
In an dapnaah hian evidence pawimawh bakah phone leh thil dang eng emaw zat hmuh chhuah a ni.
