Excise Dept. a inhlanthar

Nimin (8.1.2026) khan Excise & Narcotics Station, Saitualah Excise Minister Lalnghinglova Hmar hoin Excise & Narcotics Department, Saitual District chuan Pathian hnena inhlan tharna hun an hmang.

Excise Minister chuan Saitual Excise & Narcotics Station chu kum khat chauha upa ni mah se, hmasawnna tam tak hmuh tur a awm tih sawiin, “Hei hian a hnathawkte thawhrimna leh khawtlang mipuite tawiawmna a lang a ni. Saitual hi Manipur atanga ruihhlo lakluhna kalkawng a ni a, hei mai bakah hian tourism lamah pawh hmasawn zelin, Tlaizawng Paradise, Phuaibuangah hlawhtling taka neih a ni a, Tamdil leh tlang mawi tak tak tlawhtute pawh an pung zel. A lawmawm rualin khualzin tam chuan ruihhlo a ken tel thin avangin tan lak zual zel a ngai a ni,” a ti.

Lalnginglova Hmar chuan Excise & Narcotics Department-te chu indaih lo tak chungin theih tawp chhuahin hna an thawk thin tih sawiin, “Saitual District pawh Assistant Commissioner-in a ho tawh dawn,” tiin khawtlang hruaitute nena thawhhona tha tak nei a, ruihhlo do kawnga theih tawp chhuah zel turin a chah.