Dec 18, 2025
Thursday
Excise & Narcotics Department chuan Mizorama rel station awmna khaw pahnih Sairang leh Bairabiah Excise Station an hawng dawn.
Excise Minister Lalnghinglova Hmar chuan nimin (17.12.2025)-a a office-a press conference a neihnaah Bairabi leh Sairangah Excise Station hawn a nih tur thu hi a sawi a, “October, 2025 khan Excise Station hawn phalna hi kan nei tawh. Rela chuangte hi mitha deuh vek an ni ang. Chutihrualin, ruihhlo tawlhrukna atana hman tum awm palh thei a ni,” a ti.
Lalnghinglova Hmar sawi danin, an sorkar hnuah Khawzawl, Saitual leh Hnahthialah Excise Station hawn a ni tawh. Motor pawh a thar LMV 14 leh two wheeler pali bakah LMV hlui pathum an neih belh tawh. Thawktu pawh 28 a ngheta lak tawh a ni.
