News

Vawiin (5.5.2026) hian PHE Minister Prof. Lalnilawma chuan PHE E-in-C Meeting Hall-ah mobile application ‘Faina Puitu’ a tlangzarh.

Faina Puitu app hi Mizoram puma hman tura ruahman a ni a, Playstore-ah download theih a ni. Kum 1 chhung a free dawn a, kum 1 hnuah registration fee Rs. 10 chawi a ngai dawn.

Tun dinhmunah chuan AMC leh LMC-in bawlhhlawh an paih an buaipuinaah chuan hman theih a la ni lo. AMC leh LMC hotuten hman ve an duh a, agreement-te ziah a nih chuan hman ve theih a ni ang.

PHE-in bawlhhlawh paih a buaipuina thingtlangah chiah hman theih a la ni rih. Khawpui lamah chuan bawlhhlawh paih buaipuituten an zawmve a ngai.

Faina Puitu nihphung tlangpui :

1.Bawlhhlawh paih motor thlen chin leh khawn tawh chin a hriat theih

2.Tawih theih leh theih loh paih hun a hriat theih

3.Complaint thehluh theih a ni a, a concern authority hnen a thleng ang.

4.Bawlhhlawh thildang atana sawngbawl theih (re cycle waste)hralh theihna tur a awm

5.Motor chhiat vang emaw thildang vanga bawlhhlawh paih motor a kal dawn lohin hriattirna a awm thin ang