Fair takin kan la leh dawn &#8211; HM

Vawiin (12.6.2026) hian Home Minister K Sapdanga chuan Serkhan Police Out Post a hawng a, police constable lak thar turah physical fitness-in mark a put tawh dawn thu a sawi.

Home Minister chuan Mizoram Police-in nikumah fitness uar kum leh kumin discipline that kum an puan thu sawiin, “A harsa thin khawp mai. A chhan chu recruitment atangin tih dik tawk loh awm thin vang leh namnul deuh thin vangte a nih hmel. Police ti bawrhbang zawnga chete chu indim de de theih a ni tawh lo,” a ti.

An sorkar hnua police lakah laina leh party tel hauh loa, a tling tling la tura an inchah thu sawiin Home Minister chuan Home Minister chuan, “Kan police officer-te rilrem zawng tak leh tha tih zawng tak a lo ni,” tiin police officer-te thawhrimna zarah fair takin police an lak theih thu a sawi.

Home Minister chuan police constable 350 lakbelh tura ruahmanna an siam mek thu sawiin, “Kan police officer-ten lak dan thianghlim piah lamah, tha lehzuala tihdan an hriat belh zel. Physical fitness qualify atan ringawt a ni tawh dawn lo, mark a pu tawh dawn. A tling leh tha zingah a chak chak thlan chhuah kan duh,” a ti.