News

Food Civil Supply & Consumer Affairs (FCS&CA) Department chuan a hnuaia tarlan ang hian ePoS leh Digital Weighing Scale chungchangah thuchuah an siam.

FCS&CA Dept. thuchhuah :

Kum 2022 atang khan retailer-a ePoS leh Digital Weighing Scale hmante hi Ministry of Consumer Affairs, Food and Public Distribution, Department of Food & Public Distribution, Government of India chuan thlunzawm (integrate) vek turin thu a lo chhuah tawh a ni. Amaherawhchu, he khawl pahnihte hi thlunzawm anih chuan internet that lohna/awmlohna hmuna Partial Offline Mode (fingerprint hmet kher lova lak theih dan) a ration sem thin hi a theih tawh dawn loh avangin, leh khatih hunlai khan Mizoramah internet that lohna/awm lohna retailer hmun 356 lai a la awm avang khan Mizoram chuan he khawl pahnih thlunzawm (integration) hi a kalpui ve ta lo a ni.

Tun hnaiah Government of India chuan thu rawn chhuah thar lehin, he integration hna hi a rang thei ang bera zo turin thu a pêk mai bakah, state sawrkar hmalakna leh thlen chinte pawh report thehlut turin state sawrkar zawng zawngte a hriattir avangin, Mizoramah pawh internet awm miah lohna khuate pawh a lo awm tâk mang loh avangin January, 2026 atang chuan integration hi kalpui ve a ni.

ePoS Device hman tirh laite pawhin ration sem chungchangah harsatna neuh neuh lo tawh ve tawh a ni. Amaherawhchu, heng harsatna a ngaih thil tharte hi hun a lo rein ngaia neih ve leh mai thin a lo ni tawh angin, ePoS leh DWS thlunzawm pawh hian mipuite tana ration buk dik zawk lakna theihna tur a nih angin, tun January, 2026 a ration sem a lo khaihlak deuh a nih pawhin mipuite leh retailer-te tawiawmna kan ngen e.