Mar 10, 2026
Tuesday
Parliament Budget Session neih mekah Rajya Sabha MP K. Vanlalvena chuan thu sawiin, Aizawl khawpui traffic jam tih reh nan flyover bridge siamsak turin sawrkar laipui a ngen.
Aizawl khawpui chu tlangrama awm a nih avangin kan kawngpui neih sate chu a zau tha tawk lo tih sawiin K Vanlalvena chuan, “Hei hian traffic jam a siam nasa a, sawrkar office kal te,zirlai leh zirtirtuten a hun takah office leh school an thleng hman lo thin,” tiin hei hian mipui nunphung a tikhaihlak a ni mai lo va,hmasawnna a tibahlah a ni tih thu a sawi.
Rajya Sabha MP chuan Swrkar Laipui hnuaia Housing and Urban Ministry chuan India ram khawpui tamtakah flyover bridges an siam tawh tih sawiin, “State hausa zawk khawpuiah te Union Urban Ministry in flyover bridge an siamsak theih chuan state rethei zawk Mizoram khawpui Aizawlah pawh flyover bridge min siamsak ngei hi kan beisei a ni,” a ti.
