Jun 13, 2026
Saturday
Assam Rifles tarlan danin, ni 11.6 2026 khab Directorate of Revenue Intelligence (DRI) nen joint operation neiin, Zemabawk North-ah foreign cigarette thahnem tak an man.
Champhai District atanga foreign cigarette tawlhruk, Zemabawk North-a mi in luaha dahthat a awm tih report an dawn bawhzuiin Assam Rifles leh DRI hian joint operation an nei a, room pakhat lo inkalh chu ringhlelin an endik a ni. Room chhunga hian dan loa lakluh foreign cigarette an hmu chhuak a, an man nghal.
Foreign cigarette an man hi cartons 467 niin, cheng vbc. 11.25 chuang man hua chhut a ni. Cigarette-te chu chi 6 – Mond Silver cartons 148, Mond Apple Green cartons 142, Mond Super Strawberry cartons 84, Oris Silver cartons 66 leh cartons hawn sa cases 47, XSO Black Fruits cartons 14 leh Patron cartons 13 leh cases 45 a vaiin bawm 46,88,400 a ni.
Foreign cigarette kaihhnawihah hian mi pakhat an man tel a, cigarettte nen DRI in chhuizui turin an kawl.
