Jun 04, 2026
Thursday
CYMA tarlan danin, zanin(4.6.2026) dar 6:30 vel khan Sairang Railway Station-ah CADS leh Excise & Narcotics Department tangkawp chuan Assam lam atanga rawn chho hnamdang (vai) pahnih kut atangin ganja kgs. 6.269 an man.
Heng ruihhlo te hi Mampu Roy (33), s/o Anil Roy, Bhatgram, Cachar District, Assam leh Krishna Baishnap (41), s/o Ramlal Baishnap, Brahman Gram, Cachar District, Assam nia inchhalte kut atanga man a ni.
Ruihhlo mante hi Excise & Narcotics Department-in bawhzuin, Narcotics Drugs and Psychotropic Substances (NDPS) Act hmangin thubuai an ziaklut nghal a ni.
CADS chuan tunlai hian Mizo thalai leh naupang zawkte zingah ganja a hluar chho hle tih tarlangin, nu leh pate an fate thil tih leh an khawsakzia chik lehzual tur leh an fate ruihhlo laka an fihlim leh fihlim loh ngaihven reng turin an ngen.
