Jun 27, 2026
Saturday
June 26, 2026 zing dar 2:00 vel khan Thuampuiah Central Anti-Drug Squad (CADS), Excise & Narcotics Department leh Assam Rifles te tangkawpin ganja kgs. 2 leh a rawn kengtu an man.
CADS tarlan danin, ganja rawn kengtu hi Hmangaihsanga (31), s/o Ramengmawia, Shillong, Happy Valley a cheng nia insawi a ni. Hmangaihsanga hian a maxi cab khalh hmangin heng ganja-te hi Aizawla hralh tura a rawn phurh nia hriat a ni.
Shillong atangin ganja hi Mizoramah an rawn phur lut thin a, Kolasib leh Kawnpui-ah te pawh ganja hi an hralh thin thu hriat a ni.
Hmangaihsanga thurualpui, Dominic-a erawh Kawnpui atanga Shillong lama a let leh avangin man a la ni lo va, amah hi man ngei tuma hmalak mek a ni. Dominic-a hi Vairengte khua, Shillong lama inbengbel zui ta ni a hriat a ni.
CADS-te chuan ruihhlo avanga buai leh nunna chan an tam tak em avangin heng ruihhlo zuarte hi an dim dawn loh thu leh khawi hmunah pawh awm se an umzui zel tur thu an sawi.
