Feb 27, 2026
Friday
Central YMA hnuaia ruihhlo dotu CADS leh Excise & Narcotics Department tangkawp chuan thalaite zinga online-a Ganja zuar leh a hlawma chahlut thintu man tura hma an laknaah, tukin (27.2.2026) zing dar 3:30 vel khan Lalremsangpuia (24), Thuampui Veng an man.
CADS tarlan danun, Lalremsangpuia hi K. Lallawmzuala fapa niin, Thuampui Veng a cheng, Vairengte Chhim Veng mi ni a insawi a ni. CADS leh Excise-te chuan a tirah ganja grams. 400 vel an mansak a, man a nih hnu hian a dang a dahna zawh niin thudik a sawi duh loh avangin a ruihhlo dahna lai hmuh mai a harsa hle.
A ruihhlo chahluh hun leh a hralh dan a sawite a inmil loh avangin, CADS leh Excise-te chuan rinhlelhna neiin an chenna in chu an dap nawn leh a ni. Uluk taka an dap hnuah, an in lama sofa pakhat hnuaia ruihhlo thuhrukna tura a bik taka siam atangin ganja kgs. 8.174 an hmuhchhuah phah ta a ni.
Lalremsangpuia hi ganja an man sak vawi khatna a ni lo a, a hma pawhin ganja kgs 10 zet mansak a lo ni tawh.
