Gas man thar bithliah

Indian Oil Corporation-in eirawngbawlna gas (LPG) man a tihchhuah thar angin Food, Civil Supplies & Consumer Affairs (FCS&CA) Department chuan Mizorama LPG man thar tichhuak ve.

FCS&CA-in eirawngbawlna gas man thar a bithliah tharah hian, gas man bithliah thar hnunghnung ber atanga chhutin domestic gas cylinder (kgs. 14.2) man a danglam loa, gas bur dang mante erawh tihsan a ni thung. Gas man thar hi nimin (1.6.2026) atang khan hman tan a ni.

Domestic gas cylinder hi Vairengteah bûr khat Rs. 1,056 niin, Mizoram hmun dang zawngah Rs. 1,065 man a ni. Domestic cylinder hi March 7, 2026-a sorkar laipuiin West Asia buaina vanga Rs 1,005 (Vairengteah Rs 996) a\anga Rs 1,065 (Vairengteah Rs 1,056)-a a tihsan hnuah tihdanglam a la ni leh lo.

Vairengte tih loh hmun dang zawngah commercial cylinder (kg. 19) man Rs 3,598.50 niin, May thlaa a man Rs 3,544.50 aiin Rs 54-in a pung. XtraTej (kg. 19) chu Rs 3,621 niin, May thlaa a man Rs. 3,567 aiin Rs. 54-in a sang zawk a; composite (kg. 10) man pawh Rs 766.50 niin, April thlaa a man Rs 766 aiin pawisa 50-in a sang.

Mizoram luhka Vairengteah chuan commercial cylinder man Rs. 3,584, XtraTeJ man Rs. 3606.50 leh composite man Rs. 756.50 a ni.