Goa-ah Chapchar Kut hmanpui

Goa Mizo Welfare chuan nimin (31.3.2026) khan Sneh Banquete Hall, Porvorim, Goa-ah Chapchar Kut an hmang a, hetah hian sawm an nih angin Central YMA atangin President R Lalngheta leh Finance Secretary MS Ralte ten an hmanpui.

Central YMA President chuan thu sawiin, “Mizo thalai rual fel tak tak, mahni tan leh chhungte hnena pawisa Mizoram budget tel miah loa sum thawn thei eng emaw zat in awm hi kan ram kan hnam tan in hlu em em a, thalai rual la rawn kal ve leh zel turte tan ambassador in ni,” a ti.

Mizo thalaite hi zu leh ruihhlo avanga buai mai mai hman kan ni tawh lo tih sawiin R Lalngheta chuan, “Zu tamna hmunah pawha zu in ngai lo thalai tam takin awm avangin Mizote in ti hming tha,” tiin midang tan hnathawh vena tur kawng an hawn zel thu a sawi.

CYMA Finance Secretary MS Ralte pawhin thu sawiin “Mizore hnama min dintu kan Pathianin Mizoram budget tel fate kan intihhlimna hun atan Chapchar Kut kan nei hi kan vannei a, kan hlut deuh deuh tur a ni,” tiin Goa a awm mizote chu a fuih.