News

Govt J Thankima College Staff Welfare Committee leh Students’ Union chuan thuchhuah siamin, study tour an nei hawlama an harsatna tawh an chinfel sak avangin Chief Minister Lalduhoma, OSD to Chief Minister Jonathan Lalremruata leh CMO staff-te chungah an lawmthu an tarlang.

Govt J Thankima College Staff Welfare leh SU tarlan danin, zirlai leh zirtirtute chu Sikkim-ah study tour neiin an kal a, March 15, 2026 khan Mizoram lam an rawn pan a ni. New Jalpaiguri atanga Guwahati an panna rel chu tihkhawtlai a ni a, zan dar 9:30 velah Guwahati an thleng thei chauh.

Guwahati atanga Sairang pan tur rel chu zan dar 7 a chhuak tur a ni si a, an mangang tak zet a ni. Rilru hah leh mangang takin Chief Minister Office an be pawp tawp a, OSD to CM chuan Indian Railways lam lo be pawpin, hma a laksak nghal.

Zirlaite chuanna rel chu ngaihpawimawh bik niin tlan tlang tir nghal char char a ni.
Guwahati to Sairang relah an chuan nghei theih nan Guwahati to Sairang rel pawh pawh tihkhawtlai (delay) zui a ni.

Him leh thlamuang takin study tour a kal zawng zawngte chu Mizoram an lo thlen theih phah tih tarlangin J Thankima College Staff Welfare leh SU-te chuan, “Kan manganna min chin fel saktu Chief Minister, OSD to CM leh CMO staff zawng zawngte chungah lawmthu kan sawi tak zet a ni. Mizoram train delay avanga harsatna tawkte an awm chuan an hriatthiamna kan dil e,” an ti.