Health Dept.-in hrileng an sawifiah

Directorate of Health Services chuan tun hnaia Shillong-a Assam Regimental Centre (ARC) a Meningococcal Meningitis (Thluaka khawsik lût) natna ni a rinhlelh hrilêng chungchâng an sawifiah a, Mizoram mipuite tan chiaina tur a awm lo tih an tarlang.

An thuchhuah :

Tun hnaia Shillong-a Assam Regimental Centre (ARC) a Meningococcal Meningitis (Thluaka khawsik lût) natna ni a rinhlelh hrilêng chungchângah hian Integrated Diseases Surveillance Programme (IDSP), Directorate of Health Services, Mizoram chuan uluk takin thil awm dân a thlithlai reng a ni. Tûn dinhmunah chuan he natna hrilêng hi ARC bâk hmun dangah hmuhchhuah a la ni lo a, Meghalaya Sorkar pawhin theihtâwp chhuahin hri darh loh nân hmâ a la a, he hrilêng hi ṭaidarh lova control a nih avângin Mizoram mipuite tân lo chîaîna tûr a awm lo tih kan inhriattîr a ni.

Tun dinhmunah he natna hrilêng hi Mizoramah hmuh la ni lo mahse, he natna chungchânga hriat tur pawimawh ṭhenkhat kan han tarlang ang e.

1.Meningococcal natna hi Neisseria menigitidis in a thlen a ni a, hei hian Meningitis leh Meningococcemia condition-te a thlen thei a ni.

2.Natna lan chhuah dan khawsik sâng lo awm thut, lu na nasa, nghâwng khawng, luak/luak chhuak, taksa duk, taksa dâng leh taksa eng, nikhawhre lo, taksa khâwl hnathawk thei lo

3.Natna inkaichhâwn dan :
Inhnaih taka awm/khawsak
khuh, hahchhiau,t aksa aṭanga tuiril chhuak.

4.A invên dân : Inrinhlelhna neih chuan rang taka damdawi in pan,
puipunnaa kal loh, mask vuah, khuh leh hahchhiauvin ka hup tur a ni.
Kut sil ngun leh sanitizer hman tur.

5.He natna hi natna chhuak thar a ni lo a, doctor-in a chawh antibiotic hmanga enkawl dam theih a ni.