News

Vawiin (12.3.2026) Assembly Session-ah MNF member H Lalzirliana zawhna chhangin, Health Minister Lalrinpuii chuan MPSC-in Health Department hnuaia assistant professor (Mizoram College of Nursing a thawk tur) atana post 5 lakna tur advertisment ni 31.7.2025-a a tih chhuah ni 28.1.2026-a cancelled leh a nih chhan a sawifiah.

Lalrinpuii chuan UGC Regulation, 2018 chu Mizoram College of Nursing hlawh bituk nan kum 2021 khan hman ve a nih thu sawiin, “He regulation hi service condition dangah hman a la nih loh avang leh hman tur tho a nih bawk avangin ni 11.11.2025-a DP&AR huaihawtna hnuaia MPSC leh Health Department te nena joint meeting chuan UGC Regulation hi tuna hnalak thar tur atanga a pumpuia hmanve law law nise a tih vangin, MPSC advertisment chhuah tawh chu cancel leh a ni,” a ti.