Health Minister-in Luhkapui Portal a hawng

Vawiin (18.9.2026) hian Health Minister Pi Lalrinpuii chuan a pisaah Health Department leh ICT Department tangkawpte buatsaih Luhkapui Portal chu October 1, 2026 atanga mamawhtu apiangte hman tan theih turin a hawng.

Health Minister chuan thu sawiin, “India state-te zinga digital-a engkim kalpui nasa ber state nih tuma Mizoram tan lakna nena inmil tak Luhkapui Portal hawn a ni ta hi a lawmawm hle. Sawrkar Laipuiin ram chhunga eizawnna leh sumdawnna hrang hrangte zalen leh langtlang zawka kalpui a nih theih nana dan leh hrei thenkhat thlah dul tura a hriattirna De-regulation 2.0 hnuaiah ngaihpawimawh bik (priority area) 19 leh 20-nate thlir chungin Luhkapui hi hawn a ni ta a ni. Hei hian a mamawhtu mipuite nasa takin a chhawk zangkhai ngei ka beisei tlat a ni,” a ti.

Vawiina hawn tak Luhkapui Portal hi dawmdawi lama eizawnna kalpui turten license dilna an theh luhna atan te, dan hnuaia endik hnua license pek chhuah lehna tur atan tea department leh heti lama mithiamten an hman atan ruahman a ni. Mipui vantlang he portal mamawhtute chuan October 1, 2026 atangin portal hi an hmang tan thei tawh dawn.