News

Champhai Police-te chuan nimin (20.1.2026) khan Hnahlan khaw daiah heroin ni ngeia hriat, a neitu hriat loh hmuh a nih thu an dawn bawhzuiin heroin kgs. 2.288 an man.

Champhai Police-te hian sahbawn bawm 187 chhunga dah heroin kgs.2.288 hi thuhretute hmuh laiin an man a, cheng vbc. 4.47 man hua chhut a ni. A tirah a neitu/kengtute hmuh an ni lo a, heroin hi an paih niin an hria.

Heroin an hmuhna hmunah hian mobile phone hmuh niin, hemi hmang hian theihtawpin hnuchhui hna an thawk zui. Bolero pakhat chu heroin hmuhna hmunah hian chak takin a rawn tlan a, police-te chuan a khalhtu hi mobile phone a thlalak lang nen a in ang tih an hre hman.

Police-te hian bolero hi umzui nghalin kms. 3 hnu velah umphain, motor-a chuang Mohammed Morsur Barbhuirya (33), Hailakandi, Assam leh Umedh Raja Laskar (27), Silchar, Assam chu manin, thubuai an siam sak.