Heroin leh meth thahnem tak an man

Champhai Police-te chuan ni 1.3.2026 tlai khan methamphetamine leh heroin thahnem tak an man a, Myanmar mi pahnih leh Mizoram mi pakhat an man tel.

Champhai Police atanga Bengvarna thudawn danin, ni 1.3 2026 tlai dar 2 ah Lalhriathlua (26), Vaphai khua car khalh MZ/01 AC – 9676 chu ringhlelin an umzui a, Chhungte khuaah an nang ching a ni. Motor an endik lai hian sccoty (scooter) MZ04 B – 0011 mi pahnih chuan chuanna chu chak takin a rawn tlan tlang a ni.

Police-te hian ringhlelin an umzui nghal a, mi pahnih hian scooty hi tlan sanin, ramhnuaiah an tlanchhia a ni. Car khalhtu thu an zawhfiahna atangin scooty an tlanchhiat santute hi chhuizui zel an ni a, Khankawn Checkgate leh Zotlang inkarah man an ni.

Scooty-a chuangte Kaplianmanga (45) leh Lalnunzira (21), Tlangkawi khua, Myanmar ve ve nia inchhal an ni. Thu an zawhfiah hnuah police-te chuan ruihhlo an thuhrukna kawngpui atanga metre 500 velah mi pahnihte hi an hruai a, bag hring pakhat an hmu chhuak.

Bag hi thuhretute hmuh laiin kawngpuiah endik a ni a, methamphetamine kgs 5.935, cheng vbc. 4.74 man hua chhut leh heroin grams 68, cheng nuai 13.60 man hua chhut hmu chhuakin, mi pathumte nen hian an man.