Aug 05, 2026
Wednesday
Bawngkawn Police-te chuan tukin (5.8.2026) khan Seling Zero Point-ah heroin ni ngeia hriat eng emaw zat an man a, a kaihhnawihah nupa man tel an ni.
Police atanga thudawn danin, Bawngkawn Police-te hian F Lalnunmawia (42), Bilkhawthlir nia inchhal khalh TATA Truck S Model MZ/01 G – 4388 chu an endik a, heroin ni ngeia hriat bumper chhunga thuhruk sahbawn bawm panga a mi an man. Truck-ah hian F Lalnunmawia bakah a nupui Lalthuammawii (44) an chuanga, an pahnih hian man an ni.
Thu an zawhfiahna atangin heroin ni ngeia hriat hi Champhai atanga an phurh, Avani, Kolasib Silchar Road a mi pek tur nia hriat a ni. Heroin ni ngeia hriat hi grams 57.280, cheng nuai 3.49 man hua chhut a ni.
