Heroin ni ngeia hriat an man

Police Zokhawthar Police Station staff-te chuan Myanmar ramri, Vang Kai, Zokhawthar bulah nizan (10.8.2026) dar 7:30 vel khan Myanmar lam atanga lo kal mi pahnih hnen atang heroin hawng 5 an man.

Zokhawthar Police duty-te hian Myanmar lam atanga lo kal Biakchawimuana (38) s/o Lalchuanmawi, Khawmawi, Myanmar leh Rodinlian (36) s/o Chatuanlal, Khawmawi, Myanmar-te chu ringhlel an lo check a, an bag-ah lai atangin heroin ni ngeia rin grams 65, Rs. 12,40,000 man hu an man. Heroin bakah hian a phurh nan a an hman ni ngei a lang Kenbo motorcycle 125 leh phone pahnih — Redmi 9 leh Vivo V2027 te chu an man sak nghal.

Police-te chuan thu an zawh fiah hnuin heroin hi Zirsangzeli (36), Zokhawthar hnen a pek tur a ni tih an sawi. He thu an dawn bawhzui hian police-te chuan Zirsangzeli chu a chenna in Zokhawthar-ah an man nghal. A hnen atang hian Samsung Galaxy A17 mobile phone chu man tel a ni.

Heng an mi mante chung ah hian Zokhawthar – PS C.No.43/2026 dated 10.08.2026, Section 21(b)/25/29 ND&PS Act r/w 21 of the Immigration & Foreigners Act, 2025 hnuaiah thubuai ziah luh a ni.