Jul 31, 2026
Friday
July 29, 2026 (Nilaini) khan Gauhati High Court, Aizawl Bench chuan Parking House Support Scheme (PAHOSS) hnuaia pawisa dawngtute zinga, a hmanna tur dik tak a hmang lote hnen atanga pawisa laklet dan tur kaihhruaina siam turin sorkar chu a ti.
He kaihhruaina siam hunchhung atan hian sorkar kar thum pek an ni. PAHOSS hnuaia pawisa dawngtute chuan an building chu vantlang parking atan an hmang ngei em tih endikna report chu thehlut turin kar thum (3) hun pek an ni bawk. He thubuai hi Division Bench Justice Michael Zothankhuma leh Justice Budi Habung te’n an ngaihtuah a ni.
Court chuan he report an thehluh hunah sorkar chu PAHOSS hmang dik lote chunga an hmalaknate sawifiah turin a ti a, sorkar chu PAHOSS scheme dawngtute nena an original contract agreement chu court-a keng turin a hriattir.
Court hnenah hian Aizawl khaw chhunga AMC enkawl parking area zingah traffic chet dan tikhaihlak a, titawt thei a awm nual tih hriattir a ni. Court chuan hemi chungchang hi AMC leh Traffic Police-te enfiah tur a ni tiin, SP Traffic leh AMC Commissioner-te chu Aizawl khaw chhunga parking area thenkhat te chu tih tawp a ngaih leh ngaih loh lo endik a, report pe turin a ti.
He thubuai hi August 5, 2026-ah ngaihtuah leh a ni ang.
Source : www.jclalnunsanga.in
