News

MZP chuan thuchhuah siamin, July 31, 2026 (Zirtawpni) khan Gauhati High Court chuan Sericulture Demonstrator hnalak (recruitment) 2025 chungchanga writ petition wp(c)/123/2025 chu a rel fel tih tarlangin, “Sawrkarin he hnalak (recruitment) process pumpui leh appointment a lo pek tawhte chu a ti tawp nghal a ni,” an ti.

MZP tarlan danin, he Sericulture Demonstrator hnalak chungchangah hian Mizoram Direct Recruitment (Conduct of Examination) Guidelines, 2018 bawhchhiatna awm ngei niin an hriat avangin, sawrkar hnenah inquiry committee din turin May 13, 2025 (Thawhlehni) khan a lo ngen tawh a ni.

Sawrkarin inquiry committee a din hnuah candidate 35 te kawmin, chung zinga mi 4 chuan exam hall-ah mobile phone an ken luh thu leh exam hall luh dawnah candidate-te chu admit card-a tarlan ken phal lohte an keng em tih check mumal an ni lo tih hmuhchhuah a ni. Inquiry committee hian paper (i) leh paper (ii) exam that leh an rawt.

Sawrkarin inquiry report leh Law & Judicial Department legal advice angin he hnalak (recruitment) process zawng zawng hi a cancel a, candidate tling mi 4 te high court-ah an kalin, July 31, 2026(Zirtawpni) khan Gauhati High Court chuan thutlukna siamin sawrkar thutlukna chu a pawmpui.

Sericulture Demonstrator hnalak (recruitment) process zawng zawng leh apppoitnment lo pek tawh chu a ti tawp ta a ni.

MZP chuan Mizo zirlai leh thalai hna zawng mekte inkarah inelna thianghlim leh lang tlang a awm theih nan hma an la chhunzawm zel dawn tih an tarlang.