High school academic calendar sawiho

Vawiin (12.3.2026) hian Education Minister Dr Vanlalthlana kaihhruainain high school academic calendar chungchang a pisa-ah Education Department official-te’n an sawiho.

Meeting hian Mizoram Education Reforms Committee ṭhut khawm vawi 14-na leh 15-na rawtna chu zir hovin a ngaihtuah a ni. Kum 2026-2027 high school academic session chu April 1, 2026 (Nilaini)-ah ṭan ni se tiin a rel.

First Term exam leh result puan chu July 7 aṭanga July 17, 2026 chhunga peih fel hman tura tih a ni. Second term chu July 21, 2026-a ṭan tura tih niin, exam leh result puan chu October n19 aṭanga October 30, 2026 chhunga peih fel turin an rel.

Third term chu November 3, 2026-a ṭan tura tih niin December 21, 2026 aṭanga January 5, 2027 inkar chu thlasik chawlh atana tih a ni. Third term exam leh result puan hi January ni18, 2027 aṭanga January ni 29, 2027 chhunga tih fel tura rel a ni.

HSLC examination chu February 2027 chhunga buatsaih ni se tih a ni. Higher Secondary School chu a ngai anga kal tura rel tawh sa niin, April 1, 2026-ah class kal ṭan tur a ni.