Jan 27, 2026
Tuesday
Education Minister Dr. Vanlalthlana chuan Mizoram chhunga sikul zawng zawng Hindi Speaking Day hman thin a nih dawn thu a sawi.
Dr. Vanlalthlana chuan Mizorama chengten Hindi kan thiam loh em avangin state pawn kan kalin harsatna kan tawk thin tih sawiin, “India rama awm kan nih vang aimahin zirlaite hna zawngte tan Hindi tawng thiam hi a tangkai tih kan hriat avangin sikul zawng zawngah thla khatah ni khat Hindi Speaking Day hmang turin thuchhuah siam a ni dawn. Hindi tawng hi class chawlh lai (breaks)-a hman tur a ni ang,” a ti.
Mizorama middle leh high school-ahte zirtirtu an awm na a, a tlangpuiin Hindi kan thiam lo tih hairual a ni lo tih sawiin Dr. Vanlalthlana chuan, “Zirlaiten Hindi tawng an hman thiam zawk theih nan Hindi zirtirtute training mumal tak hmanga tihchak tum an ni. Hindi zirtirtu Hindi tawng hmang mumal hlei thei lo phei chu a hrana training kal tura tih an ni ang,” tiin Hindi tawng tlanglawn lehkhabu sikula hman tur SCERT-in a tihchhuah tur thu a sawi.
