Nov 05, 2025
Wednesday
Serchhip Joint Village Council chu nimin (4.11.2025) khan Serchhip Kawnpui VC Hall-ah thukhawmin, hlawhfa rate leh kumina buh rate tur an bitliah.
Lenkawl Editor Zonuna Kawlni hnen atanga thudawn danin, Serchhip Joint VC thutkhawm hi an chairman R Sanghmingthanga chuan kaihruaiin hlawhfa rate an bithliah thar a, ni khatah mipa Rs. 500 leh hmeichhia Rs. 450/- nise an ti.
Kumina buh rate tur pawh bithliah nghalin, tin khat zelah ramah Rs. 300 leh inah Rs. 350 nise tih a ni.
Serchhip Joint VC thukhawm hian Serchhip Kudam sawn chungchanga hmalakna chu chhunzawm zel nise an ti a, Serchhip Bazar-ah Police Beat Post nghet a awm theih nana hmalak relin Kikawn leh Sailiamkawn inkara leivung leh leiminte paihfai thuai a nih theih nan hmalak nise, an ti bawk.
