News

Nizan (13.2.2026) khan Higher & Technical Education (H&TE) Minister Dr. Vanlalthlana chuan MS Academy, Aizawl hnuaia zirlai MPSC Combined Exam, 2025-a hlawhtlinna chang mi 14 te lawmpuina hun a hmanpui.

Dr. Vanlalthlana chuan thu sawiin, hlawhtlinna changtute chu, IAS state dang atanga Mizorama posting neite kawm ngeih tur leh thawhhona tha neih pui turin a chah a, “An let leh thleng a mi tangkai thei an nih avangin a pawimawh. Sorkar hnathawk ni satliah loin, sorkar fawng vuantute hnenah rawtna in neih ang te meeting-na pawh sawi chhuak ngam rawh u. Uluk takin kan lo ngaithla ang,” a ti.

H&TE Minister chuan thawkrim leh thiam ngahte chu duhsak pawh an hlawh lo thei lo tih sawiin, “Khawtlang leh Kohhran atangin sum khawn pawh lo awm se mahni income dik tak mila pek mai a tha. Sorkar hnathawk tir tan a rang lam a sum peipun lam (investment) ngaihsak a pawimawh,” tiin chhungte tan zan khat mitchhin tawh pawhin mangang a an awm loh nan a that thu a sawi.

Zoramin bung thar kan kai chho mek nia sawiin Dr Vanlalthlana chuan, “Ssorkar fawng vuantute hian thil kan hre famkim vek lo a, hmasawnna hi official ram hmangaihtu tak takte vang a ni. Kan thawhho thiam a ngai a, kan hlawhtlin tirh a Pathian hming kan lam zin ang hian kan hnathawhna dawhkanah Pathian kan mamawhna a lain tan dawn chauh,” tiin hlawhtlinna chang tharte chu duhsakna a hlan.

MPSC Combined Exam-a hlawhtling mi 14 te pual hian Mama’s Heaven Vaivakawnah hun hman a ni a, hlawhtlinna chang leh an chhungte bakah sawm bikte an tel.