Hmalak chhunzawm zel dan tur rel

Lunglei MZP, MSU, Lunglei Thalai Pawl, MJA leh Chhiambial Chhantu telna Mizoram State University Demand Committee, Lunglei chuan vawiin (5.2.2026) chhun khan Lunglei MJA Committee Room-ah Lungleiah Mizoram State University dah a nih ngei theih nana hmalak chhunzawm zel dan tur an rel.

Mizoram State University Demand Committee chuan kohhran hrang hrangte tawngtaipui turin an sawm a, State University chungchanga press conference neih ngei tha ti tlangin, a rang thei ang ber a chhim lam MLA-te pawh State University chungchang a chak zawk a hmalak pui tura ngenna siam an rel.
November 20, 2025-a HPC Conference Hall-a Chief Minister Lalduhoma’n Mizoram State University Lungleiah din a nih tur thu leh Aizawl lama dah tura dan an lo siam tawh tih danglam a nih tur thu a sawi chungchangah Mizoram State University Demand Committee chuan, Assembly Session hmasa berah State University Bill thar pu lut a, pawm turin Mizoram Sorkar an ngen nawn leh.

Mizoram State University Demand Committee chuan an thil phutah a hlawhtlinna hmel, a taka hmuh a nih hma chuan State University chungchang hi a tawp thlengin a vil chhunzawm zel an tum.