Hmasawnna kan hmu mek zel &#8211; Lalduhoma

Vawiin (15.8.2026) a Independence Day lawmna hun Lammuala buatsaihah Chief Minister Lalduhoma chuan hmasawnna kan hmuh mek thu sawiin, “Kalphung thar mipui sawrkar tih kan au hla a ni zel dawn,” a ti.

Chief Minister chuan kan ram mipui, a te ber atanga a lian ber thlenga thawhhona avangin, hmasawnna hmel kan hmuh mek thu sawiin, “Kan thlen chinah duhtawk mai loin, dikna, intluktlanna, langtlang sawrkar kan neih zel theuh nan, kan thinlung leh ngaihtuahna siam thar leh ila,”Kan ram leh hnam dinchhuah nan kan zavaiin i inhlanthar ang u,” tiin kan ram leh hnam dinchhuah nan inhlanthar turin mipuite a sawm.

Sawrkar inrelbawlna tha zawk siam tur leh ram intodelh, changkang zawk leh mitinte khawsak phung chawisang tura tan la tura mipuite sawmin Lalduhoma chuan, “Mizoram dung leh vangah hmasawnna inkhairual, chhuan lo la awm zel turte tan pawha chenfakawm, ei leh bara intodelhna kawng kan zawh theihna atan, kan hmathlir laimu – kalphung thar mipui sawrkar tih chu kan auhla a ni a, a la ni zel dawn bawk a ni,” a ti.