Jun 03, 2026
Wednesday
Saitual DEF Special Team-te chuan June 1, 2026 (Thawhtanni) khan heroin grams 587, Rs. 1,17,40,000 man hua chhut an man.
Saitual DEF Special Team chuan Keifang kualmawia random checking an kalpui laiin, Churachandpur atanga Aizawl lam pan motor Bolero Neo (a rawng dum) reg no. MN 01A X – 0569 chu Thawhtanni, zing dar 3:00 vel khan tih din a ni.
Motor-a chuang zinga pakhat Nengshi Haokip (51) d/o Jangsem Haokip of Salbung, Churachanpur, Manipur nia inchhal chu rinhlelhna avangin hmeichhe constable-in a taksa a endik. Nengshi hi Section 50 NDPS Act hnuaiah ama phalna ngeiin, SDPO hriatpuinain a endik a ni.
A taksa an enfiahna lamah hian, sahbawn bawm 50, a chhunga heroin awm chu a thawhnaw chhungah thuhruk a ni tih hmuhchhuah a ni a, a bag kente pawh endik nghal a ni.
Heroin grams 587 , ₹ 1,17,40,000/- man hu chu he motor-a chuang an endik tak atang hian man a ni a, mobile handset Vivo (a pawl) mansak bawk niin, dan anga a chungah hmalak nghal a ni. Saitual PS-ah thubuai an ziaklut nghal.
