Feb 01, 2026
Sunday
Champhai District Police-te chuan Champhai atanga Aizawl lam pana tlan maxi cab pakhat passenger hnen atangin heroin eng emaw zat an man.
Champhai District Police-te hian nimin (31.1.2026) zing khan Khankawn Police Check Gate-ah maxi cab hi lo ti dingin, passenger pakhat Lalruatkimi (31), Lunglei Rahsi Veng chuan dan phal loh thil a keng ni ngeiin an hria a ni.
Danin a phut angin Lalruatkimi hi gazetted officer pakhat chenna inah a taksa dap turin an hruai a, thurehtute hmuh laiin dap a ni. A taksa atangin heroin sahbawn bawm paruka dah, grams 79 an hmu chhuak. Heroin hi cheng nuai 15.80 man hua chhut a ni.
Lalruatkimi lakah hian thubuai ziahluh a ni a, a kaihhnawih dang awm theite Champhai Police-te chuan an chhuizui mek.
