Feb 19, 2026
Thursday
Nizan (February 18, 2026) khan Central YMA hnuaia Central Anti Drugs Squad (CADS) leh Excise & Narcotics Dept. hnuaia Anti Narcotics Squad-te chu thawk hovin, Bawngkawn Veng hmun hnihah heroin hawng 33 an man.
CYMA tarlan danin, ruihhlo man hmasaknaah hian Lianzuali (40), North Vanlaiphai a cheng nia insawi hnen atangin heroin Hawng 3 an man. Hemi hnu hian an thudawn bawhzui zelin, ZDU Office bul, Bawngkawnah vek heroin hawng 30 dang an man leh a ni.
Ruihhlo man naah hian Zohmingliana (40) s/o Hrangmanliana leh Lalawmpuia (36) s/o Lalchhuanvawra, Edenthar Veng a cheng ve ve ni a insawite chu an man tel.
Nizana ruihhlo man zawng zawng hi a vaiin heroin hawng 33 a ni a, a neitu ni a puh mi pathumte hi Excise & Narcotics Department-in dan angin thubuai an siamsak nghal a ni.
