Nov 02, 2025
Sunday
Nimin (1.11.2025) leh ni 31.10.2025 zan khan police-te chuan hmun hnihah dan loa phurh kuhva rah thahnem tak an man.
Khawzawl Police-te chuan ni 31.10.2025 zan dar 9:30 khan Lallianzuala (29) s/o Khupzalala of Tuirial Airfield khalh TATA Truck MZ 04 B – 0323 atangin kuhva ro bags 230 (kgs. 18400), Rs. 46,00,000 hu an man a.
Kuhva rah hi Chhungte daiah motor-ah hian load a ni a, kawng hlui lamah kalin Chawngtlai khaw daiah police-te hian an lo man ta a ni. A phurtu driver sawi danin he kuhva hi Bagha-a dah tur a ni.
Nimin zing khan Champhai Police-te chuan Khuangphah khuaah truck pakhat, MZ-01 J-7866 atangin kuhva ro thahnem tak an man. Truck khalhtu hi Lalpeksanga s/o Challiana, Bethel Champhai a ni. He truck hian kuhva rah bags 200 (kg 16,000) a phur a, Rs. 56,00,000/- man hu a ni.
Police tarlan danin, he kuhva rah hi Lalramchhana s/o Lalengliana, Zion Veng, Champhai ta niin hriat a ni.
File Photo
