Jan 24, 2026
Saturday
Excise & Narcotics Department leh 14 Bn Assam Rifles \angdunin
methamphetamine leh heroin thahnem tak an man.
Nimin (23.1.2026) chawhma dar 11:45 AM khan Excise & Narcotics Department leh 14 Bn. Assam Rifles te tangdun chuan Champhai to Hnahlan Road, Ngur Kawnah methamphetamine 2.2 kgs (20,200 tablets) an man.
A neitu nia hriat Lalhmangaihzuala (30) s/o Thawmliana (L), Ngur Vengthar, Champhai District a mi nia inchhal chu man nghal a ni.
Tin, hemi ni vek, tlai dar 5:45 PM hian Ngur kawn, Zote to Ngur Road-ah heroin 255 grams man a ni. Heroin mante hi sahbawn bawm 20 chhunga thun an ni.
Heroin neitu nia hriat Shavin Ahmed (24) s/o Isak Ali, Sujarkandi, Nilambazar, Karimganj District, Assam a mi nia inchhal chu man nghal a ni. Heng heroin-te hi, Shavin Ahmed Jacket hak laiah leh EECO van hnung dinglam kawngkhar chhunglam lining karahte thuruk an ni.
Heng ruihhlo phurhna EECO Van Registration No. AS11-EC-8633 hi man nghal a ni.
