Aug 02, 2026
Sunday
Champhai Police-te chuan darkar 24 chhung hmun hnihah ruihhlo thahnem tak an man a, a kaihhnawihah mi pahnih an man tel.
Police atanga thu danin, Champhai Police-te hian nimin (1.8.2026) chawhma dar 11:30 vel khan Champhai aṭanga Aizawl pan sumo passenger pakhat Vanlalmuana (27), Shanmyo, Tahan, Myanmar kut aṭang in heroin ni ngei a hriat sahbawn bawm 10, grams 118 a rit an man. He ruihhlo man hlutna hi Rs. 23,60,000 hu a ni. ruihhlo neitu a puh Vanlalmuana hi man a ni.
Nimin vek chawhnu dar 1:30 khan Tata LP Truck MZ 04 – 8669, Champhai aṭanga Aizawl pan aṭangin methamphetamine kgs. 9.796 (mum 1,01,000) an man. He ruihhlo man hlut zawng hi ₹78,368,000/- a ni. Truck khalhtu Vanlalruatsaka (32), Melbuk, Champhai District nia inchhal pawh an man tel.
