Hmunphiah lei dan tur ruahman

Mizoram Sawrkawr chuan nakkum (2026) a kut hnathawktute thar chhuah hmunphiah lei a nih dan turah ruahmanna a siam fel.

Mizoram Agriculture Marketing Board (MAMB) tarlan danin, Mizoram Sawrkar chuan ZOHANDCO kaltlangin hmunphiah ro grade a then loh (thliar fel loh) kg khat Rs. 80/- zelin February ni 2 atanga March ni 31, 2026 chhungin Secondary Collection Centre (SCC) ah an lei dawn.

Hmunphiah chingtu ten kg khat Rs. 80/- emaw a aia to a hralhna an hria emaw ZOHANDCO hnena hralh kher an tum lo a nih pawhin tha an tihna hmun apiangah leh hmunphiah leitu an duh apiang hnenah an hralh thei ang. Hmunphiah ro hralhna ah hian support price pek theih a ni lo.

Hmunphiah ro lei duhte Deputy Commissioner/Chairman, DAMC-ah registration tih kher a ngai tawh lo. Sawrkarin rate a siam anga an lei duh anih chuan engtiklai pawhin an duhna hmun apiangah hmunphiah ro an lei thei ang. Hmunphiah ro lei turte chuan Land Resources, Soil & Water Conservation Department-ah Certificate of Origin an dil ang a, chumi hnuah transit pass chu Environment, Forests & Climate Change Departmentah dil leh theih a ni ang.