Aug 10, 2026
Monday
Police-te chuan H Ramdinpuii (15), Mualthuam North hnuchhuina update an ti chhuak a, tualthahna hmanrua nia rinhlelh chemte pahnih awm ang hmu tawh an awm chuan police hriattir turin an ngen.
Update an tih chhuahah chuan, “Kan police lamten a chak thei ang berin hnu chhui hna an thawk mek a, VC te leh Br YMA hruaituten theihtawp an chhuahpui mek bawk. Khawtlang mipuite lo chiai lo tur leh, hnuchhui kawnga kan thil hmuh leh hriatte zep nei lova in hriattir zel turin kan in ngen,” an ti.
Tualthahna hmanrua ni a rinhlelh chemte chhar tarlangin police chuan, “Chemte lo hmu tawh/a awm ang lo hmu tawh, a neitu awm ang tal hria kan awm chuan a hnuai a contact number tarlan ah hian a rang thei ang bera hriattir turin kan in ngen e,” tiin report tu hi a hming leh number thup tlat an nih tur thu an tarlang.
Report na tur SDPO : mobile phone number 8259901971 leh Case I/O mobile phone number 8974362101 te an ni.
